SoftConstruct

SoftConstruct-ը խոշոր միջազգային ՏՏ ընկերություններից մեկն է, հիմնադրվել է «Բադալյան եղբայրներ» ընկերությունների կողմից։ SoftConstruct-ը հանդիսանում է խոշոր էկոհամակարգ, որը միավորում է մի շարք հայտնի ու անկախ ապրանքանիշեր։ Ընկերությունը ՏՏ ծրագրեր է մատակարարում աշխարհի տասնյակ երկրների։ SoftConstruct-ը հայկական ծագմամբ գլոբալ տեխնոլոգիական ընկերություն է, որը ստեղծում և զարգացնում է նորարարական թվային լուծումներ տարբեր ոլորտների համար։ Այն գործում է հիմնականում IT և iGaming ոլորտներում՝ առաջարկելով ծրագրային ապահովում, տվյալների ծառայություններ, վճարային համակարգեր և բիզնեսի համար պատրաստ տեխնոլոգիական հարթակներ։ Ընկերության պատմությունը սկսվում է 2003 թվականից, երբ Բադալյան եղբայրները հիմնեցին առաջին բեթինգ բիզնեսը Երևանում։ Գործելով որպես օպերատոր՝ նրանք բախվեցին տեխնոլոգիական խնդիրների և սկսեցին ստեղծել սեփական ծրագրային լուծումները։ Ժամանակի ընթացքում այդ լուծումները դարձան առանձին պրոդուկտներ և ծառայություններ, որոնց հիման վրա ձևավորվեց SoftConstruct-ը՝ որպես տեխնոլոգիական էկոհամակարգ։ Այսօր SoftConstruct-ը ներկայացված է միջազգային շուկաներում, ունի հազարավոր աշխատակիցներ և միավորում է մի շարք հայտնի բրենդներ, ինչպիսիք են BetConstruct, VBET, FeedConstruct և այլ հարթակներ։ Ընկերությունը գործում է որպես տեխնոլոգիական գործընկեր՝ օգնելով բիզնեսներին ստեղծել և զարգացնել թվային պրոդուկտներ ու ծառայություններ։